即将毕业慨你有冇觉得无助？
喺近一两年疫情慨影响下，失业率攀升，打工仔想要揾到好工都困难咗，更何况啱啱毕业冇乜经验可言慨大学生呢。大学教育资助委员会2019至2020年度毕业生就业数据显示，有70.3%慨毕业生有全职工作，而失业率有2.38%。相信好多人都经历过即将毕业要四围去见工揾工，亦都好明白当中害怕会揾唔到工慨彷徨同无助。
你又有冇因为揾工而恐惧？
点解会觉得有压力？
压力其实主要都系嚟自自己同身边人，当见到身边慨同学、朋友仔一个个都开始收到offer，而自己仍然喺道埋头苦干揾工，有比较慨时候就自自然会对自己有质疑同觉得有压力，惊自己会唔会一路都冇offer。同时屋企人又有机会过嚟关心下你/啰嗦下你，「点解仲唔揾工啊」、「做咩仲未揾到嘢做」等等慨句子相信有唔少朋友都有听过，久而久之都会形成压力。
唔好俾自己太大压力
有咩心得可以提高命中率？
1. 保持不断学习慨心态
所谓学到老活到老，即使大家已经大学毕业，都要保持不断继续学习新知识慨心态。通过持续学习，不断装备自己，可以令到自己识得更多唔同慨技能。呢啲学识咗慨技能就会帮你提升兢争力，同时亦可以喺面试时俾面试官知道你冇白白浪费呢一段时间。所以，喺未揾到工作慨时间，大家都不仿发掘一下兴趣，学习一啲自己有兴趣慨知识同技能。
未揾到工慨不仿揾啲嘢学
2. Interview慨时候唔好惊，俾啲自信
初入社会，见工会紧张系在所难免慨，但紧张还紧张，千万唔可以俾in你慨部门主管同HR见到你惊。当你俾对方见到你怯紧，首先气势上已经输咗，俾人慨第一印象已经唔好，而且仲会更容易犯错，打乱自己慨部署。相反展现出自信慨一面更容易会获得面试官慨留意，所以请记紧喺interview慨时候一定要俾面试官睇到自己自信。
唔可以俾对方见到你怯
3. 面试前要充分准备
正如上面讲到，唔可以俾面试官见到你怯。如果你话你真系成日都好紧张好怯，咁点先可以冇咁怯？就系请你一定要做好充分准备。坊间其实都有唔少人拍片教人interview慨时候有咩技巧或者有啲咩要留意，大家不仿喺面试前睇一睇，好好准备。当你有充足慨准备，入到面试室就自自然然冇咁怯。
充分准备可以有交提升自信
总结
会害怕其实代表对自己有所要求，但同时亦都唔需要因为咁而俾自己太大压力或者太贬低自己。记住保持积极自信，努力做好自己即可。
