毕咗业慨你，喺大学时期最后悔系啲咩？
「霎眼廿七岁时日无多方不敢偷懒」呢句《陀飞轮》慨歌词可能系好多啱啱毕业冇耐慨大学生慨写照。如果有机会俾你返到去啱啱入大学嗰一日，你会同以前慨自己讲啲咩，会有啲咩提醒以前慨自己？经历过社会无情慨洗礼之后，我相信好多人都会话：要做好规划，千祈唔好再俾自己浑浑噩噩咁浪费咗呢四年时间！
初入社会慨你喺大学有咩遗憾？
点解要做好规划？
啱啱入大学慨时候，大家可能都会发觉大学真系比起喺中学自由得多，可以自己拣参加咩活动，几时上堂，冇人一个班主任喺道管住哂，冇人会迫你做呢样做嗰样，除咗要上够Credit之外好多嘢都可以自由选择参加。
正正就系因为自由度大咗咁多，有人会一时间适应唔嚟，于是沉溺咗喺眼前享受自由慨幸福，而冇好好谂清楚，好好计划喺大学四年有乜嘢目标想达成，又或者规划好呢四年可以点样帮助到自己开辟毕业后慨路途。时间流逝，等到自己醒觉时唔可以再咁落去慨时候，自己喺大学慨时日无多，纵使呢个时候不敢偷懒亦好难追得返个进度。
享受慨同时唔好忘记要规划未来
点为之生涯规划？
生涯规划最重要慨其实系你必须要有明确慨方向，知道自己毕业之后想做啲咩。跟住就住按自己慨目标订立计画，明确咁每一个学年需要做啲咩去一步一步迈向目标，然后严格执行自己订下慨计划。
订立大方向，否则只会原地踏步
系咪一定要做实习？
好多人会视有做实习视为有做好生涯规划，咁大学期间系咪一定要做实习？其实就唔系慨。
去做实习慨最大目的，其实都系希望可以展现到你有同你未来想做慨工作慨相关经验，喺揾工面试慨时候可以好好咁表现到自己。的而且确，做实习系其中一项好常见慨途径帮助大学生达成生涯规划其中慨步伐。
但系冇做到实习亦都唔系世界末日，喺你慨计划入面可以有其他事比做实习重要，例如有人会拣去交流、参加学科相关慨比赛等等。只要有明确慨计划知道自己想要啲咩，然后按计划执行咁就冇问题，有唔少人即使冇去做实习都仍然活得成功、自在。
实习只系其中一种方式
总结
所以各位初入大学慨朋友，喺享受紧来得太突然慨自由同幸福慨同时，谨记要做好规划，唔好俾自己毕业先至嚟后悔当初冇好好做好未来慨规划。
