補習社定私人補習,邊樣先啱你嘅小朋友呢?
喺香港,好多家長喺子女升讀小學或者中學後,發覺小朋友學業或者功課跟唔上,都會心思思想幫自己嘅小朋友揾補習,希望可以令小朋友跟返上學業進度。呢個時候,好多家長都會遇上一個疑問:究竟私人補習定係去補習社會更好呢? 今日,我們就同大家對比下兩者各有啲咩優勢,等家長揾補習嘅時候可以比對一下啦!
![私人補習 補習 補習中介](https://www.getutor.com.hk/wp-content/uploads/2022/02/Working-LEO-BLOG-Cover-3-265x180.png)
補習社同私人補習各有各自的優點
補習社優點
1. 資源豐富
一般補習社比起私人補習更優勝之處就係補習社會比起私人補習老師有更豐富嘅教學資源。補習社擁有充足嘅配套資源,因此可以輕易為學生提供到充足的教材同練習,呢一點絕對係好多私人補習導師難以比擬嘅。
![私人補習 補習 補習中介](https://www.getutor.com.hk/wp-content/uploads/2022/02/pexels-sharon-mccutcheon-1148399-265x180.jpg)
補習社相對教材資源會更豐富
2. 有系統,更大路
另一個補習社比起私人補習好嘅地方,就係補習社嘅教學係會較為有系統。因為通常補習社都會有較多嘅補習經驗,佢哋嘅老師好多時都比較有經驗,更了解一般學生喺學習期間普遍會遇到嘅間題並且加以教導,教學內容會更大路更有系統性。
![私人補習 補習 補習中介](https://www.getutor.com.hk/wp-content/uploads/2022/02/pexels-kaboompics-com-5834-265x180.jpg)
補習社會更有系統性
3. 收費較便宜
一般嚟講,補習社對比私人補習會比較便宜。補習社一般都會以班作為單位開辦,每一班有十至二十個學生,甚或更多都非常普遍,因此補習社嘅價錢會比私人補習更為便宜。對於較基層嘅家庭而言,補習社較為便宜嘅收費就可以令家長更易負擔得到了。
![私人補習 補習 補習中介](https://www.getutor.com.hk/wp-content/uploads/2022/02/pexels-breakingpic-3305-265x180.jpg)
價錢都係家長眾多考慮因素之一
私人補習優點
1. 針對性教學
對比起送小朋友去補習社補習,私人補習嘅優點就係佢可以為你嘅小朋友提供到針對性嘅教學。點解咁講呢,因為比起補習社嘅一對多位學生,私人補習老師通常都會係一對一上堂。即使係小組補習,亦都大多會係一對二嘅情況,所以私人補習老師就更能夠為每一位唔同嘅學生提供針對性嘅教學喇。佢哋可以按唔同學嘅需要,調整教學嘅進度同內容,為學生提供更貼合佢哋需要嘅教學服務,呢一點亦都係好多家長最後決定選擇私人補習嘅最大考慮因素。
![私人補習 補習 補習中介](https://www.getutor.com.hk/wp-content/uploads/2022/02/pexels-cottonbro-3832033-265x180.jpg)
私人補習提供針對性教學
2. 方便,彈性靈活
私人補習另一樣優點就係佢哋會較補習社方便,時間安排會更靈活,可以更彈性安排。好多時候,如果家長選擇咗送子女去補習社嘅話,因為補習社好多時都係一班班咁上堂,家長同小朋友會需要遷就補習社安排嘅時間上堂,萬一有啲咩突發事件或者時間安排上面需要改動就會較為麻煩。
相反,私人補習就冇呢個問題啦。私人補習嘅每一堂都係由家長同老師自己約時間,家長可以同老師商討一個大家都方便又舒適嘅時間上堂,萬一有需要作出任何改動都可以雙方互相遷就,咁樣家長喺時間安排方面就可以更靈活更有彈性。
![私人補習 補習 補習中介](https://www.getutor.com.hk/wp-content/uploads/2022/02/pexels-bich-tran-911059-265x180.jpg)
私人補習時間彈性,更方便安排時間
3. 距離感低
仲有一樣私人補習嘅優勝之處,就係學生同導師之間嘅距離感會較低。因為私人補習普遍一對一嘅上堂模式,令到老師同學生嘅互動性會更高,兩者間會有更多交流,兩者唔會有太大嘅距離感。相對而言,補習社好多時都係一對多位學生嘅關係,雙方角色會好明確:老師企喺黑板前講書,學生坐喺另一邊聽書,雙方就會有明確嘅距離感。呢一絲嘅距離感好多時都會影響學生喺上堂期間嘅專注程度,或多或少都會影響學生學習嘅進度。
![私人補習 補習 補習中介](https://www.getutor.com.hk/wp-content/uploads/2022/02/pexels-pixabay-159844-265x180.jpg)
距離感會影響學生的專注度
總結
總括而言,補習社同私人補習兩者各有優勝之處,各位家長喺選擇嘅時候可以因應自己嘅小朋友喺邊一方面更有需要而去決定幫小朋友報補習班定係揾私人補習老師喇。