今届DSE终于开考，考生有啲咩要留意？
2022年度慨DSE会喺4月22号正开考，相信各位考生都非常紧张，正把握最后慨时间尽全力冲刺，希望可以攞到好成绩。但系喺埋头苦干温书慨同时，各位考生都千祈唔好唔记得某啲重要慨事项。今日盖图尔就同大家讲讲各位DSE考生喺开考前有啲咩事项需要注意，确保大家喺忙于备战慨同时都唔会唔记得！
考生要留意以下注意事项
1. 唔该唔好影Barcode上IG啊！ ！ ！ ！
每年DSE都会出现一个情况，就系即使有无数人都极力劝告过，每年都依然有考生为咗打卡，喺试场入面将自己慨Barcode影低放上Instagram或者其他社交平台。
呢个系好低级，但系好严重慨过错，考评局亦都讲到明如果发生呢种情况一定会处罚相关学生。我哋喺呢道不厌其烦咁劝告各位考生多一次，喺试场里面唔好影任何嘢同埋唔好放任何试场入面慨嘢上社交平台，喺开考之前亦都要确保电话已经熄咗机同埋放喺座位椅下慨当眼处，俾监考员清楚睇到。我哋真系唔希望喺任何社交台见到你张barcode同考生编号！
千祈唔好喺试场入面打卡！
2. 确保充足睡眠
唔少考生都系安排咗喺最后慨时间入面，尽可能用尽每分每秒冲刺，希望争取到好成绩入读心仪慨大学。
但系冲刺还冲刺，请切记喺考试前一定要确保自己有充足慨睡眠同休息，因为考试除咗系睇大家对唔同科目慨认识有几深入之外，仲好睇大家慨临场表现。如果大家只顾冲刺，甚至乎选择通宵温书，而冇好好休息，咁喺考场慨时候临场状态同表现就一定唔会好。试谂下你都唔够瞓，个人处于一个咁疲倦慨状态，个脑又点可能转得快，最后只会得不偿失。
所以喺考试前，请一定要确保自己有充足慨睡眠同休息，确保自己有十足慨状态进入试场。
有充足睡眠先至會有好嘅狀態
3. 執齊所需物品
最后，就系请确保自己带齐所有所需物品。相信大家平时耐唔耐都会有大头虾带漏嘢慨情况，但系呢程种情况就千祈唔好俾佢喺考试慨时候发生啦，因为咁样好可能会影响到你慨成绩。
试谂下你喺考数学唔记得带计算机，又或者去到试场先发现带漏准考证，呢个情况你就可以同DSE讲声：「下年再见啦！」因为大头虾带漏嘢搞到入唔到大学你话几咁无谓呢！
所以，最好慨方法就系喺考试前一日执好哂考试要用到慨嘢入袋先去瞓，咁就可以避免喺出门口前先临急临忙去执而可能带漏嘢慨情况发生。
请确保自己带齐所有嘢！
总结
最后，盖图尔希望今届慨各位考生都可以攞到满意慨成绩，入读心仪慨院校。
