【學習心得分享】專注力唔夠點算好?

文章由GETUTOR 香港導師總會提供
讀書 學習 補習 補習中介

你又有冇專注力唔夠嘅問題呢?

講到專注力呢個問題,唔知你喺讀書或者工作嘅時候又有冇試過出現以下嘅情況:

  • 成日俾身邊嘅人事吸引到你嘅注意力
  • 耐唔耐拎起部手機玩
  • 會望住課本發呆,並唔係真係讀緊書
  • 温書温咗冇耐就開始釣魚
  • 成日都拖住啲嘢嚟做
  • 提唔起勁讀書/工作

如果你有以上嘅情況,咁就需要馬上去改善啦!因為專注力唔夠容易分心呢個問題,會對你造成非常深遠嘅壞影響,今日就等GETUTOR香港導師總會同大家一齊探討一下呢個問題啦!

讀書 專注 工作 補習 補習中介

你又有冇唔集中嘅問題呢?

 

專注力差會有咩問題?

專注力唔夠係會對你造成非常深遠嘅影響。

  • 做事冇效率
  • 好容易覺得沮喪,明明眼見自己好似花咗好多好多時間都冇乜成效
  • 因為容易分心,思考好容易凌亂,或者唔連貫
  • 影響前途

以上係其中幾項最顯著嘅壞影響。試諗下你成日做做下嘢都會分心,咁又點會有效率?如果你係上司嘅話,又點會鍾意呢類下屬呢?所以改善專注力唔夠而令自己成日都分心呢個問題係非常迫切。

讀書 工作 專注 補習 補習中介

專注力差會好影響讀書同工作

 

咁點算好?3招幫你提升專注力:

1. 選擇寧靜嘅環境

《孫臏兵法·月戰》曰:“天時、地利、人和,三者不得,雖勝有殃。“

同樣地,一個好地方絕對有助工作同讀書。根據我嘅經驗,一個安靜嘅地方就係一個好地方,例如圖書館,因為寧靜嘅環境有助我集中精神讀書同工作。

喺我讀緊書嘅時候,因為住宿舍,隔離左右耐唔耐都會帶朋友上嚟玩,呢個環境會令到我唔能夠集中精神温書。嗰陣時我無論係做assignment定係温書,都會特登行落圖書館或者自修室,就係鍾意環境夠靜,嗰道個個都係靜靜哋做自己嘢,喺咁嘅環境下可以俾我集中精神做自己嘢。

所以,我會話一個寧靜嘅環境絕對會有助你完成任何事情,喺你下次讀書/工作嘅時候,不妨試下揾個靜靜哋嘅地方,你絕對會愛上呢種工作環境!

讀書 工作 專注 補習 補習中介

寧靜嘅環境有助集中精神

 

2. 認清目標

另一個容易令人無法專注工作嘅原因係冇足夠動力,而唔夠動力好多時源於冇清晰嘅目標。當工作或讀書嘅時候冇一個好明確嘅目標,就會好似盲頭烏蠅咁,好努力去做但做嚟做去都好似冇乜進展,於是就會容易氣餒而缺乏動力。

要認清目標,就要了解自己目前有啲咩任務需要完成,例如工作上有啲係迫切需要完成,有啲咩冇咁趕;讀書方面有咩功課要完成、最少要用幾多時間温書、温幾多個課題等等。當你有一張明確嘅To do list,有一個明確嘅方向,就自然可以更專注咁向住自己訂立嘅目標走。

讀書 工作 專注 補習 補習中介

有清晰目標才能專注

 

3. 熄數據

另一個好容易會令人分心嘅原因就係,好多時大家喺工作嘅時候都會不自覺咁樣攞起手機嚟玩:可能會係見到個朋友揾你想覆一下佢,覆覆下就不自覺咁分咗心;或者見到手機嘅Apps有通知彈出嚟心思思想睇下;甚或可能只係習慣地不自覺咁攞上手玩。

喺呢個情況,可以喺做緊嘢或者讀緊書嘅時候,盡可能咁去遠離電子產品,例如熄咗手機嘅數據,或者將手機放埋一邊唔好俾自己咁易拎到出嚟。咁就盡可能減少分到心嘅機會,但當然都係需要睇大家自唔自律同意志。

讀書 工作 專注 補習 補習中介

做緊嘢嗰陣就唔好玩手機啦

 

總結

如果大家都係好容易分心嘅人,就一定要好好改善呢一個壞習慣,千祈唔好俾呢個壞習拖垮到你嘅人生!

延伸閱讀:【做嘢趕頭趕命?】四招KO拖延症重拾效率

延伸閱讀:【學習心得分享】大學讀書心得分享

 

 

現在從Blog 下方按鈕轉載到 GETUTOR網站,“ 聯絡職員即可有$20學費減免,事不宜遲,馬上去搜索適合導師上課吧

想追返學校進度?GETUTOR香港導師總會有超過35,000個三大導師

最快一小時幫你搵到最好既上門補習導師!

緊貼GE BlogFacebookInstagram,補習?GETUTOR

留言

補習

關於我們

【30分鍾即時配對】提供大量優質上門私人導師供您選擇,家長學生配對零介紹費用。

熱線電話:63080831

香港最大型補習中介

【 政府認證公司】

Follow Us

按此聯絡客服
1
直接聯絡客服
點下方按鈕得到職員的協助👩‍💻👨‍💻
或馬上提交補習個案🥰