数学应该要点读?
数学科系一科几大分歧慨科目，有人可以一教就明；有人会觉得好难温极都唔识；又会有人会话只要你明白背后慨逻辑就可以一理通百理明，成绩突然猛进。众人说法都好唔同，到底数学系咪真系咁难以理解呢？今日就同大家探讨一下学习数学时有冇啲咩地方需要留意，等大家学习实践时可以更得心应手。
数学也可以有方法有效提升成绩
1. 避免死记硬背
喺香港填鸭式教育慨环境下，令到学生好多时候都会喺心里将读书同死划上等号，温习就等如死背烂背。呢种方法或者喺其他科目可能得通，但系喺数学科就好难可以奏效。数学十分讲求概念，单纯地将公式或答案背下系无法融会贯通的。只靠背书一开始可能会有少少成果，但当遇到慨题型开始多、开始稍为改变，就无法活用所背下的答案。
2. 避免害怕数学
正如刚才提到，数学唔系死背就可以攞得到高分，有人即使好努力都仍然攞唔到好成绩，可能因为咁样就开始害怕，甚至抗拒数学。呢种情况其实好多学生可能都遇过，而且考试成绩唔好其实并唔系世界末日，可能只系用错方法去学，大家无须要因为咁样而对数学产生恐惧。因为恐惧只会令你对数学失去兴趣，更唔愿意投放时间喺呢个科目上面，下一次测验考试时考得差而又继续害怕、唔钟意呢一科，咁样只会形成一个恶性循环。呢度所指慨并唔系话要求大家对数学一定要好喜欢、好有兴趣，只系指出大家并唔需要太过害怕渠，因为要学好数学其实都系方法的。
害怕数学只会令自己陷入恶性循环
讲完喺学习数学科有啲咩要避免，跟住落嚟我就讲下数学科有咩方法可以提升数学慨水平：
1. 要打好基础
想要学好数学，最重要系一定要由最基本开始学起，由头打好基础。数学其实系由最基础开始一直延申扩展落去，之后愈高深慨课题好大机会同之前基础课题有联系，如果基础打得唔好，去到后面出现夸单元慨课题或题目慨时候，大家学到愈后只会觉得愈吃力。所以打好基础喺数学呢个科目系好重要，千祈唔好睇少呢个过程。如果你自觉自己数学科成绩并唔好，请你拎起课本由最基础最开始学一次，跟住课本做一次，咁愈去到后面慨课题先至唔会一知半解。
2. 要亲自做一次
数学科要学得好另一个要点就系大家一定要落手做一次。有时候大家上堂可能会见到老师喺黑板上面做完一次，望落好似知点做就冇再跟进。咁样系一个好大慨错误，因为大家只系睇人做一次就算而冇真系落手去做一次慨话，你去到考试温书之前都唔会知道自己做落慨时候会遇到啲咩问题、系咪真系完全理解呢个概念，更加唔会做得熟练、唔会入到脑。所以大家学习数学慨时候唔好得个睇字，剩系睇完人做一次就算，真系要落手落脚做一次，计一次个答案出嚟做你先至叫识做。
数学要亲手做一次先至会真系学得识
3. 要以准确为先
学数学应该系准确为先，学生喺学习时无须要因为做得慢而觉得气馁。喺学数学慨过程中，大家应该将做得啱定为首要目标，因为做得啱先系代表你真系明白同理解该个课题背后慨概念。当你做过一次，过程做得啱真正明白相关概念，知道点样得出最终答案后，之后无论题型点样更改你都可以计得到答案出来。
4. 过程先系最重要
另一个小小慨心得就系：即使你落手做慨时候真系都好，唔好一嚟就睇答案，试下先谂一谂应该点样做。学习数学慨过程当中，思考系十分重要慨一环。千万唔好害怕计错，因为错咗先至系最宝贵慨经验。当你做错一次睇完答案之后，再望返自己做错咗啲乜，咁先系真定学识咗点计，先至真正知自己错喺边同唔识啲咩。
唔好怕错，错误系最最最宝贵慨经验
总结
总括而言，学习数学切忌死记烂背，咁样成效唔高又会令你对数学提唔起兴趣。记住过程先至系最重要，希望各位同学都可以喺数学科考得好成慨同时，亦都揾到学习数学慨乐趣！
