你又有冇专注力唔够慨问题呢？
讲到专注力呢个问题，唔知你喺读书或者工作慨时候又有冇试过出现以下慨情况：
- 成日俾身边慨人事吸引到你慨注意力
- 耐唔耐拎起部手机玩
- 会望住课本发呆，并唔系真系读紧书
- 温书温咗冇耐就开始钓鱼
- 成日都拖住啲嘢嚟做
- 提唔起劲读书/工作
如果你有以上慨情况，咁就需要马上去改善啦！因为专注力唔够容易分心呢个问题，会对你造成非常深远慨坏影响，今日就等GETUTOR香港导师总会同大家一齐探讨一下呢个问题啦！
你又有冇唔集中慨问题呢？
专注力差会有咩问题？
专注力唔够系会对你造成非常深远慨影响。
- 做事冇效率
- 好容易觉得沮丧，明明眼见自己好似花咗好多好多时间都冇乜成效
- 因为容易分心，思考好容易凌乱，或者唔连贯
- 影响前途
以上系其中几项最显著慨坏影响。试谂下你成日做做下嘢都会分心，咁又点会有效率？如果你系上司慨话，又点会钟意呢类下属呢？所以改善专注力唔够而令自己成日都分心呢个问题系非常迫切。
专注力差会好影响读书同工作
咁点算好？ 3招帮你提升专注力：
1. 选择宁静慨环境
《孙膑兵法·月战》曰：“天时、地利、人和，三者不得，虽胜有殃。“
同样地，一个好地方绝对有助工作同读书。根据我慨经验，一个安静慨地方就系一个好地方，例如图书馆，因为宁静慨环境有助我集中精神读书同工作。
喺我读紧书慨时候，因为住宿舍，隔离左右耐唔耐都会带朋友上嚟玩，呢个环境会令到我唔能够集中精神温书。嗰阵时我无论系做assignment定系温书，都会特登行落图书馆或者自修室，就系钟意环境够静，嗰道个个都系静静哋做自己嘢，喺咁慨环境下可以俾我集中精神做自己嘢。
所以，我会话一个宁静慨环境绝对会有助你完成任何事情，喺你下次读书/工作慨时候，不妨试下揾个静静哋慨地方，你绝对会爱上呢种工作环境！
宁静慨环境有助集中精神
2. 认清目标
另一个容易令人无法专注工作慨原因系冇足够动力，而唔够动力好多时源于冇清晰慨目标。当工作或读书慨时候冇一个好明确慨目标，就会好似盲头乌蝇咁，好努力去做但做嚟做去都好似冇乜进展，于是就会容易气馁而缺乏动力。
要认清目标，就要了解自己目前有啲咩任务需要完成，例如工作上有啲系迫切需要完成，有啲咩冇咁赶；读书方面有咩功课要完成、最少要用几多时间温书、温几多个课题等等。当你有一张明确慨To do list，有一个明确慨方向，就自然可以更专注咁向住自己订立慨目标走。
有清晰目标才能专注
3. 熄数据
另一个好容易会令人分心慨原因就系，好多时大家喺工作慨时候都会不自觉咁样攞起手机嚟玩：可能会系见到个朋友揾你想覆一下渠，覆覆下就不自觉咁分咗心；或者见到手机慨Apps有通知弹出嚟心思思想睇下；甚或可能只系习惯地不自觉咁攞上手玩。
喺呢个情况，可以喺做紧嘢或者读紧书慨时候，尽可能咁去远离电子产品，例如熄咗手机慨数据，或者将手机放埋一边唔好俾自己咁易拎到出嚟。咁就尽可能减少分到心慨机会，但当然都系需要睇大家自唔自律同意志。
做紧嘢嗰阵就唔好玩手机啦
总结
如果大家都系好容易分心慨人，就一定要好好改善呢一个坏习惯，千祈唔好俾呢个坏习拖垮到你慨人生！
